കവിത
റവ.ബൈജു
മർക്കോസ്
ലൂഥരൻ സ്കൂൾ ഓഫ്
തിയളോജി ചിക്കാഗോ
" മേയ് ഫ്ലവർ "
--------
ചെറു ചെറു മുകുളങ്ങൾ
വിടരാൻ വെമ്പി
നില്ക്കവേ
മഞ്ഞിൻ കണങ്ങൾ
തുരു തുരെ വന്നു പതിച്ചതാണ്
!
ഒരു കൊമ്പ് പൊട്ടി
താഴേയ്ക്ക് ഞാഴ്ന്നു
-
പ്രാണൻ
പിടഞ്ഞു നില്ക്കവേ
വര്ഷപാതം
വന്നലച്ചതാണ് !
മഞ്ഞിൻ വെള്ള
മൂടി, സൂര്യനെ-
മറച്ചു,
താപം നിഷേധിച്ചു
തണുത്തുറയവേ
നിദ്രയെ
പുൽകിയതാണ് !
ഉറങ്ങി,
ഉണരാൻ കഴിയാതെ
നനഞ്ഞു
വിടരാൻ കഴിയാതെ
മണ്ണോടു
ചെർന്നുടയവേ
ശ്വാസം
നിലച്ചതാണ്‌ !
നിശ്ചേഷ്ടമായ്‌
,നിർന്നിമേഷമായ്
നിഷ്പ്രശ്ചന്നമായ്
കേവലജീവിതം(bare life)
പുൽകിയതാണ്
!
പക്ഷേ,
ഇന്നെത്ര ലോലമായ്‌,
സൗമ്യമായ്
- പുൽക്കൊടീ
നീയിന്നു ഉയിര്പ്പിന്റെ പച്ചയെ
പുനർന്നുണർന്നു
!
എവിടെയോളിപ്പിച്ചു
വച്ചു നിൻ
മഞ്ഞിൽ മറയാത്ത
ഹരിത രാഗങ്ങൾ?
എവിടെ മറച്ചു വച്ചൂ നിൻ,
മിഴിവെഴും
ജീവസ്പന്ദങ്ങൾ ?
അത്രമേൽ
ക്രൂരമാം
ജീവിത ഭാവത്തെ
എത്രയോ
മുഗ്ദ്ധമായ്
ഉത്ഥാനം
ചെയ്തു നീ!
എത്ര വിലോലം,
എത്രയഗാധം,
എത്രയനുരന്ജിതം
നിന്റെയീ
ഇളവെയിൽ
വാഴ്വ്‌!
പടിവാതിൽ കടന്നു
പല വർണ്ണ ശോഭയായ്
വാസന്തമെത്തുമ്പോൾ
പൂക്കാതിരിക്കുവാനാകുമോ
നിനക്ക്
?
_________________________
26 മെയ്‌ 2015
